🔻تەکیەپرێس ـ وتــــار
🔶 داخی هەندێ سکرتێر و سکرتێرە، کە خۆی لە دکتۆرەکە
بە موهیم تر دەزانێ
🔹ٸەوەی تا ٸێستا بەچاوی خۆم بینیومە لە نەخۆشخانە
و دەرمانخانەکان
🔻هەڵکەوت عبێد ڕەشید
🔸کۆتا خاڵ لەهەمووی گرنگترە
🔷 دکتۆرمان هەیە بێ تەماشاکردن و بینین، ئەڵێی قەسابە، یەکسەر دەڵێ چارەسەرت نییە، ئیلا عەمەلیات.
🔷 پارچە حەبم کڕیووە لەسەری نووسراوە سێ شیتی تێدایە. کەچی پێی داوم لەڕێگا کردومەتەوە دوو شیتی تێدابووە. بۆم بردۆتەوە گوتوویەتی ببورە نەمان زانی.
🔷 نەخۆشخانە هەیە نرخی نەشتەرگەرییەکەی ،نیوە زیاتری نەخۆشخانەیەکی ترە ، کاتێک پرسیاری لێدەکرێ، دەڵێن جیهازی کوالیتی بەرزمان هەیە.
🔷 دەرمانم کڕیووە لەماڵەوە تەماشام کردووە فڕی بەسەر ٸەو دەرمانە وە نەبووە کەداوام کردووە . بەڵکوو نەخۆش خواردبای تووشی هەزار دەردی دەکرد.
🔷 چووینە لای دکتۆرێک، یەکسەر تەبەڵە و فایلی بۆ دایکم کردوو و وتی پێویستە نەشتەرگەری بکرێ، کەچی سوپاس بۆ خوا لە هۆڵی نەشتەرگەری، زەختی دایکم بەرزبووەوە و عەمەلیات نەکرا، ئەوە بۆماوەی زیاتر ١٥ ساڵ دەبێت نەشتەرگەریمان نەکرد و بەیەک پارچە حەب چاکبۆوە.
🔷 ھەر سێ ڕۆژ لەمەو پێش قەترەم کڕیوە بەشەش ھەزار کەتەماشام کردووە لەسەر ستیکەرەکەی نووسراوە سێ ھەزار. دواتر چووم لێم وەرگرتەوە تا بزانێ قۆڵ بڕە.
🔷 دکتۆری وا هەیە پڕ یەک نایلۆن دەرمانت بۆ دەنوسێ و کەچی هیچ چارەسەرت ناکات و دەچیتە لای دکتۆرێکی تر یەکسەر هەموو دەرمانەکانت بەبەرچاوتەوە دەکاتە ناو تەنەکەی خۆڵەوە و یەک کۆڵ دەرمانی ترت بۆ دەنوسێتەوە.
🔷 بینینی دکتۆری وا هەیە ٥٠ - ٧٥ هەزار دینارە و زۆر بێڕێزانەش لەگەڵ نەخۆش دەدوێ، کەچی پێی ناخۆشە پێی دەوترێ نرخت گرانە و باری هاوڵاتی قورسە و دەڵێ کەیفی خۆیەتی با نەیات.
🔷 دکتۆری واهەیە پڕ گیرفانی لە ڕیکلامی خۆیەتی، لە نەخۆشخانەی حکومییە و وەرەقەیەکت بۆ دەنوسێ و دەڵێ پێنج ڕۆژتر وەرە بۆ عیادەکەم.
🔷 دەرمانیان بۆ ھێناوم کاتی بەسەرچووە و پێم گووتون . جا ٸەوە بەساڵاچوویەک یان کەسێک نەیخۆێنێتەوە کارەساتە.
🔷 دەرمانێک دەکڕی لەسەیدەلیەک بۆ سەیدەلیەک جاری وا ھەیە بە دە ھەزار جیاوازی ھەیە ھەمان شتیشن.
🔷 داخی هەندێ سکرتێر و سکرتێرە، کە خۆی لە دکتۆرەکە بە موهیم تر دەزانێ، جاری وا هەیە پێشنیاری دەرمان و چارەسەریشت بۆ دەکات. ئەوە باسی لوت بەرزی و وەڵامنەدانەوە و قسە ڕەق و ناخۆشەکانیان هەر هیچ.
🔷 لەگەڵ ڕێز بۆ نەخۆشخانە و دەرمانخانەی بەوویژدانیش ھەیە.
No comments:
Post a Comment