هەواڵ ـ تەکیەپرێس
دوای ئەوەی لە تۆڕە کۆمەڵایەتییەکان ڤیدیۆی ڕووداوێکی نەخوازراو بڵاوبووەوە ، کە تێیدا ئەسپێک بە سەربڕدراوی لە نزیک شەقامی گشتیی تانجەرۆی سەربە ناحیەی عەربەت فڕێدرابوو ، دەستبەجێ بەدواداچوونمان دەستپێکرد .
🔹 وردەکاری و ڕێکارە یاساییەکان :
شوێنی ڕووداو: شەقامی گشتیی تانجەرۆ - ناحیەی عەربەت.
جۆری ڕووداو: سەربڕینی ئەسپێک بە شێوازێکی دڵڕەقانە و فڕێدانی لاشەکەی لە شوێنێکی گشتیدا.
ڕێکاری دادوەری:
دوای ئاگادارکردنەوەی بەڕێوەبەرایەتیمان، مەفرەزەکانی بنکەی پۆلیسی دارستان و ژینگەی عەربەت بەدواداچوونی وردیان دەستپێکرد، و لەسەر ڕۆشنایی بڕیاری بەڕێز دادوەری لێکۆڵینەوەی شارەزوور پەڕاوی لێکۆڵینەوەی بۆ کرایەوە.
بەردەوامیی بەدواداچوون:
لێکۆڵینەوەی ورد بەردەوامە بۆ دۆزینەوەی تۆمەتباری سەرەکیی ئەم ڕووداوە و ئاشکراکردنی هۆکاری سەربڕینی ئەسپەکە و فڕێدانی لە شوێنی گشتیدا.
پەیامی ئێمە: بەڕێوەبەرایەتیمان و سەرجەم بەش و بنکەکانمان ڕایدەگەیەنێت کە ڕێکاری تووندی یاسایی بەرامبەر هەر کەسێک دەگیرێتە بەر کە بێبەزەییانە بەرامبەر ئاژەڵان ڕەفتار بکات یان ژینگە و تەندروستیی گشتی بخاتە مەترسییەوە.
🔻بەڕێوبەرایەتی پۆلیسی دارستان و ژینگەی سلێمانی
No comments:
Post a Comment