پەروەردەی سلێمانی: نابێت فشار لە قوتابیان بکرێت بۆ کڕینی جلوبەرگی دیاریکراو.
بەڕێوەبەرایەتیی گشتیی پەروەردەی سلێمانی (بەشی کارگێڕی و ذاتي) بە نووسراوی فەرمی ژمارە (١٨٨٨١) لە ڕێکەوتی ٢٣/٩/٢٠٢٦، ئاگادارییەکی ئاراستەی سەرجەم بەڕێوەبەرایەتییەکانی پەروەردە (ڕۆژهەڵات، ڕۆژئاوا، چەمچەماڵ، دووکان، قەرەداغ، شارەزوور، شارباژێڕ، سەیدسادق، دەربەندیخان و پێنجوێن) کردووە.
لە ناوەڕۆکی ئاگادارییەکەدا جەخت کراوەتەوە که ناوەندەکانی خوێندن (باخچەی منداڵان، قوتابخانە و خوێندنگەکان) نابێت هیچ فشارێک بخەنە سەر قوتابیان و خوێندکاران بۆ کڕینی جلوبەرگی دیاریکراو لەلایەن پەروەردەوە.
هەروەها پەروەردەی سلێمانی بڕیاری داوە کاتی پێویست بدرێت بە قوتابیان و خوێندکاران تا ڕێکەوتی (١٠/١٠/٢٠٢٦) بۆ ئەوەی هیچ ئاڵۆزان و بارگرانییەکی دەروونی یان مالی لە بازاڕدا بۆ خێزانەکان دروست نەبێت.
No comments:
Post a Comment