هەواڵ ـ تەکیەپرێس
ئەمڕۆ، ٢٣ی ئازار، یادی دامەزراندنی ڕێکخراوی جیهانیی کەشناسی (WMO) دەکرێتەوە.
ئەم یادە تەنها بۆنەیەکی ساڵانە نییە، بەڵکو تیشک خستنە سەر ڕۆڵی بنەڕەتی زانیارییە کەشناسییەکانە لە پاراستنی ژیان، ژینگە و گەیشتن بە گەشەپێدانی بەردەوام.
بەناوی ڕێکخراوی ئایندە بۆ پاراستنی ژینگە، گەرمترین پیرۆزبایی ئاراستەی سەرجەم کەشناسان، شارەزایانی کەشوهەوا و کارمەندانی ئەم بوارە دەکەین لە کوردستان و جیهان. دەستخۆشی لە ماندووبوونیان دەکەین کە بە وردبینی و شەونخونییەکانیان، هاوکارمانن لە تێگەیشتن لە گۆڕانکارییەکانی ژینگە و بەرەنگاربوونەوەی مەترسییە سروشتییەکان.
با هەموومان پێکەوە کار بکەین بۆ داهاتوویەکی سەوزتر و پارێزراوتر.
ڕێكخراوی ئاینده بۆ پاراستنی ژینگه
No comments:
Post a Comment